إشتقتـ لك........

إشتقتـ لك يلّي خذتــْكـ السفينه ..
للموطن الي ما عرفته لـ هالحين .. !!

ويدينك الي لوّحت لي حزينه .. !!
كنها تواسيني على البعـْد والبين ..

والدمعة الي وصّلت لي سنينه ,,
من حطّمت كلّ الأماني فـ هالعين ..

بَعدك طفت في ناظري هالمدينه ..
وأضواءها تبكي ,, وأنا اقول : تبكين ؟! ..

تسألني بـْ لهفة : أبا اعرْف وينه ؟! ..
وآنا فـ حزن آقول : ابخير هو زين !! ..

والله ماني زين .. آنا رهينه !! ..
للشوق واللوعة وكلْ شيّ بي شين ..

لكن أجامل بابتسامة دفينه ..
واصبر عسى يرجع بعد طول لـ سْنين ..

مازال قلبي محتفظ في حنينه ..
ومازلت أكتب له قصيد ودواوين ..

عندي أمل أغفى وأنا عند عينه ..
عندي أمل .. أقصد ويصْفق بـليْدين ..

بصبر حبيبي والقصايد سجينه ..
لك تنتظر تحريرها والله يْعين ..

مشكوووووووووووووور قصيدة في قمة الروعة
ننتظر المزيد تحياتي
الـــــــــجـــــــــــنــــــــــــوبــــــــــي

شاكره لكم مروركم وتقبلوا تحياتي....