لو بكيفي .. قلبي محد يدخله ..!!

[size=18]..{ لو بكيفي .. قلبي محد يدخله ..!!



مساكم . حـــــب

..


..{ لو بكيفي .. قلبي محد يدخله ..!!







قول عادي .. بالي الليلهـ طويل ..
............ شُوف لِك عذرٍ قديمٍ / وأقبِلَهـ !!

لا تحاتي ...قلبي مِتعَوِّد يشيل ..
............. ( الجُروح ) اللي تجي له مُقبِلَهـ ..

" طيبتي " صارت مثل ( كف البخيل )
............ أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
............ الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!

في غيابك .. مالَهَا الضيقهـ مثيل ..!
............. وربِّي اللِّي .. ما يشاءهـ , يفعلَهـ

مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ

وعيب راسي لا بغى شي " مستحيل "
.............. يوصلهـ مو طيب .. غصبٍ يوصلَهـ

ليه راجع ؟! ليه ذاكر ..؟يـ الأصيل ..؟؟
................ إنت ضايق .. ؟! في خطأ بالمسألَهـ !!

وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَهـ ؟!

و( البلاء ) .. إن حَبْ رجالٍ " ثقيل "
.............. ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
.............. ولو بكيفي .؟ ( قلبي) محدٍ يدخلَهـ

ومِن عرفتِك .. حظِّي العاثر يميل ..
.............. أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
............... وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ ..

وإن خذاني المُوت إترك قالٍ وقيل ..
.............. قول هـ الجُملهـ .. وخطاك امحلِّلَهـ

[ ربِّي ألهَم أهلهـ الصَبر الجَميل ..
............... وإرحمـهـ يا رب وإحسِن مدخلَهـ ].!







,, لكم مني ارق التحآيآ وانقـــآهآ [/size]

ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!


ومِن عرفتِك .. حظِّي العاثر يميل ..
.............. أعترف لِكْ إنِّي ( عاجز ) أعدِلَهـ !!


إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ ..

تسلمين يالغلى على ههالانتقاء الجميل للشعروعلى فكره بلغة المغروره ترى عندي تذوق للشعروكلماتك هذي تدل على انك بعد انتي عندك نفس التذوق
تابعي وتأكدي اني حكون من التابعين لكتاباتك المميزه